SP，你做唔做？

到底女人可唔可以好似男人咁有性無愛？Of course!

我們絕對有辦法用人為方法令自己有反應，做一個單純的sex partner，不過Miss Sex要問各位，點解會考慮做一個男人的SP？

做SP唔同做人老婆，會有正式的求婚過程，俾你答yes or no，好多時同個男人在網上、WhatsApp或者真人傾下傾下，天時地利人和配合下就做咗。

如果你當時單身，未搵到男友又有性需要，跟個男人做friends with benefits，我覺得無問題，只要大家溝通清楚，做足安全措施就得。

如果你已經有男友，但又唔開心，想試下第二個，或純粹想搵個人攬下你錫下你，fine，有乜後果你自己承擔。最好你城府夠深，可以唔講出嚟，不過我覺得呢啲人唔會開心。

最怕你以為可以用性換一段relationship；或者做人小三，以為可以用性搶個男人返嚟，又或者以為同ex做可以令佢回心轉意，咁我覺得你實在太過naïve，男人下身是一台獨立機器，你根本無同佢真人交流過，forget about it。

況且做SP的常見結果，係兩個人做唔返朋友，當你搵到個真正錫你的男人，就唔會返轉頭。

最慘係有啲女人，明明諗住做SP，但搞搞下鍾意咗個男人，好似港男口中講的「沉船」。

Afford唔起這種輕飄飄關係的女人，還是不要沾手為妙。