培養自己的性感氣質

得意嘅女生當然受歡迎，但性感嘅女生卻有另一番吸引力，所指的性感，唔一定係着到好sexy嗰種，而係有性感的氣質，呢種氣質係可以培養出來的！

神秘感──唔好一次過「Bi Li Ba La」將自己嘅身世數哂出嚟，其實令男生知啲唔知啲，會令佢哋想了解你更多呢！

小打扮──唔係着低胸緊身衫先叫性感，悉心打扮令自己好睇都會吸引到男生的注意。擁有靚靚皮膚、修整漂亮的指甲，都會叫人對你另眼相看。

幽默感──轉數快、對笑話有反應，甚至識得自嘲，都會令男生覺得同你好夾，比起只係識得傻笑同撥頭髮嘅女生有趣得多。

柔弱一點──即使你係個好cool好獨立的女生，都唔好驚表現自己柔弱嘅一面，例如提到你婆婆有幾錫你時，對方會覺得你好可愛。