8句男生最怕聽的說話

有啲說話,男生一世都唔希望女朋友會對自己講,除咗「一齊去shopping?」之外,仲有「你啲行為好似你阿爸」,更慘的是「你的行為好似我阿爸」,不過呢幾說話的殺傷力,點都唔及以下8句。

1. 我諗我哋需要傾吓。
聽完呢句,係人都知唔慌有好嘢,就算唔係講分手,都係有大件事,不吐不快。喺呢種情況下,男生的確避無可避,不過女生最後講嘅可能只係:「你係咪覺得我好肥?」真係唔知點答好!

2. 我個friend有咗/訂咗婚。
呢句說話表面上無乜嘢,但背後包含的深層意思可能係:「咁我哋幾時訂婚/生仔?」除咗扮突然休克之外,睇怕都幾難甩身,不過都未夠「我有咗呀!」呢句咁得人驚。

3. 你係咪覺得佢好靚?
當男友望女仔又俾女友即時發現咗,如果否認,女友只會更加嬲,甚至同男友嗌交;醒目的男生會求其講句:「佢個胸好大,好誇!」了事。

4. 你喺度諗緊咩呀?
女生都好好奇,希望知道男生每個想法和感受,但男生好多時寧願選擇沉默,「呢埋」喺自己的世界入面。

5. 我個Ex都唔係咁嘅。
男生從來唔會將現任女友同前度作比較,所以亦無心理準備女友會咁做;要俾人拎嚟同被甩的男生相提並論,男生當然要第一時間反擊!

6. 我頭痛呀。
咁樣表示佢無興趣親熱,如果真係feel到女友好疲累,就只好主動送上一粒Panadol,然後祈求上天保佑。

7. 你似返個男人啦!
無嘢傷得過被女友質疑自己嘅男子氣概,有人會乖乖地投降,由得你想點就點,但亦可以反擊話:「你又可唔可以似返個女人,唔好成日發牢騷?」

8. 我諗咗好耐……
這句開場白通常都關乎重要問題,包括結婚、同居或分手。跟住嘅一句可能係:「點解你會鍾意我?」同「你有無諗過我哋嘅將來?」男生會用盡任何方法甩身,例如突然同你激嘴。

Comments (5)

Lynne。's picture

嗯…諗落我都講過唔少…sticking_out_tongue

laiwingyum's picture

其實有乜好怕,最緊要行得正、企得正!
如果怕嘅話,即係身有屎,又警俾個女朋友睇穿咗,咁就冇意思啦!

l0vepopo's picture

好準=.=

hlshk's picture

呢D POST算唔算洗女孩子的腦 ?男對女女對男同樣講過哂....下下度住邊D講邊D唔講, 無謂 & 夠坦誠唔怪得咁多男女對立., 就係呢D POST間接搞出黎

hlshk's picture

4. 你喺度諗緊咩呀?-------------->  個個女人都預訂對方的回應對白和行為. 一旦不是佢諗個D, 從來唔去諗對方點解有此一著, 而選擇自私的嬲......反省下啦.