自家製「有個窿」的麵包專門店

初初接觸Bagel（百吉圈）時，覺得這種貌似冬甩的麵包好得意，可能好多香港人都會對呢種食物好陌生，因為香港唔係好多地方有得食，就算有都係得一、兩款，但喺北美地方就非常受歡迎，早前俾我無意中發現香港係有食Bagel的專門店──Yo Bago，決定一定要去試試！

立即睇片：[Yummy!] Yo Bago

就趁周末，專程同一位朋友到鰂魚涌去食Bagel，對於我們兩個非港島區人來說，唔洗返工而過海係一件「好神心」的事。來到Yo Bago，一間小小的店，裏面掛滿一幅幅畫，仲掛上了加拿大的國旗，同老闆傾了幾句，原來他是從加拿大回流的，所以店舖會有點加拿大的風情，而且所有用來搽Bagel的醬亦是自家製，好有誠意！

我點了一個Honey Walnut Cream Cheese Bago和一杯咖啡，而朋友則點了Vancouver Breakfast Bago，我那個Cream Cheese Bago好好味，甜甜地，但又唔會漏，Bagel仲係烘得暖暖的！由於當日人不算太多，我們一邊傾偈一邊享受着Bagel和咖啡，不知不覺間就過了半個下午！So relax！

Yo Bago
鰂魚涌濱海街80號地下