放下你的「百寶袋」

我曾經是個每次出街都一定要拎大袋的女生，點解？因為真係有好多嘢要帶出街吖嘛！例如：銀包、手機、化妝袋、鎖匙、乾紙巾、濕紙巾、水、MP3、筆……仲有啲濕碎嘢咁啦，男朋友成日都問點解我個袋好似百寶袋咁，但我相信好多女生都有「乜都帶哂出街」的習慣吧？

其實揹住咁重的袋出街，除咗出完成日街之後個膊頭會好累，仲會搞到成個人都無哂energy，而且長期咁做，會令膊頭的肌肉勞損，所以各位女生都要改掉呢個壞習慣！

咁到底點先可以改掉呢個壞習慣？

最重要係選用一個size較細的袋子，咁就可以迫自己將要帶出街嘅物件減到最小！因為好多時女生都會將「有可能」會用到嘅嘢袋哂出街，目的係唔想出到街要用時發現自己無帶，所以就成日都好似搬咗成間屋出街咁，但往往最後都會發現自己帶嚟都係多餘的！

只要你帶少啲無謂嘢出街，你會發現除了行街會輕鬆啲，膊頭亦會無咁易痛，最重要係好多小袋子的款式都好靚，可以用嚟襯衫嘛！:P