精叻用信用咭慳錢妙法！（上）

爸爸成日話用信用咭會好易使多咗錢，所以我初初入U時都唔敢申請，
直到Year3，終於為咗換演唱會飛而申請人生中第一張credit card！
（不過我未試過打得通電話囉！所以一早cut咗張咭！）
而為免使多咗錢，我準備了一個舊銀包，每次簽帳回家後都會擺返錢入去，
咁就知道自己用咗幾多錢，同埋有返「俾咗錢」嘅感覺啦！

到咗而家，我唔再驚使多咗錢喇！我仲因為之前要結婚擺酒而申請了超過六張信用咭！
粗略估計，我因此慳咗唔少錢：

我獲得了超市現金券，以及信用咭簽帳回贈各超過1,000蚊，仲有一堆禮物：
好似係Sanrio碗碟一套、湯券20張（每張價值40幾蚊架！）、則卷小雲鐘，以及飲品券兩張等等。

唔好誤會，我唔係叫你係咁申請信用咭，不過，如果你明知自己將會有大額消費，
好似聖誕節瘋狂購物、結婚，又或者係搬屋買傢俱呢啲，
真係不妨申請多幾張！不過大前提係：

1. 必定要記得準時交咭數，亦要清楚記錄自己幾時申請，方便之後cut咭，
因為每張咭都有規定成功申請後幾耐先可以cut咭的啊！

2. 如果你好大頭蝦，又或者怕麻煩，就諗清楚先好申請！
就算真係申請，都一張起兩張止好了！切忌因小失大！

3. 使用信用咭，係要用得精明先可以慳到錢！
想知道我有甚麼心得？就要留意精叻用信用咭慳錢妙法（下）！