編輯推介:我的睫毛液Mr.Right!

TEXT: Karen C.
CosmoGIRL! Web Editor:Karen C.

上次講咗點樣夾出太陽花眼睫毛,今次就要講下睫毛液!

由我開始搽睫毛液時,已經試過N咁多支睫毛液(總之見人話好用就買……),但買過好多都係唔啱自己用,效果都未如自己所想!最大問題係某啲睫毛液更加令我嘅睫毛翹唔起,即使我搽完之後狂夾都無用!直至我遇上佢……

就係Kiss Me Long & Curl Mascara!呢支睫毛液可以塑造濃密同埋增長效果,一支搞掂晒,唔駛用兩支睫毛液,而且仲係防水防油,搽完一整日都唔會變熊貓眼。價錢仲要唔駛100蚊,超抵,回購率係100%,我已經用咗N支。
(可以在莎莎、卓悅、Log-on買到!)

夾完眼睫毛後,在睫毛根部開始Z形向上掃,根部位置可以搽多少少,可以令睫毛更濃密,然後頂部部分就向上掃,造出增長效果。搽完上眼睫毛,記住在下眼睫毛輕輕掃兩下,可以增加「電力」!:p

如果唔小心搽到一舊舊,記住喺睫毛未乾之前,用睫毛專用梳梳返開佢哋呀!

其實大家要不停試,先可以搵到最適合自己的睫毛液,因為唔係每一隻睫毛液都可以同自己的睫毛match到。我曾經試過啲好貴嘅睫毛液(仲要勁多人讚好),但係都唔啱自己用,最後俾我打晒入冷宮!

最後送上我的左眼,獻醜了!

唔知大家的睫毛液Mr.Right又係邊款呢?:)